ہم غلط احتمال رکھتے تھے

ہم غلط احتمال رکھتے تھے

تجھ سے کیا کیا خیال رکھتے تھے

نہ سنا تو نے کیا کہیں ظالم

ورنہ ہم عرض حال رکھتے تھے

نہ رہا انتظار بھی اے یاس

ہم امید وصال رکھتے تھے

جوہر آئینہ نیں دکھلایا

سادہ رو جو کمال رکھتے تھے

نہ سنا تھا کسو نے یہ تو غرور

سبھی دلبر جمال رکھتے تھے

آہ وہ دن گئے کہ ہم بھی اثرؔ

دل کو اپنے سنبھال رکھتے تھے

ham ghalat ehtimal rakhte the

tujh se kya kya khayal rakhte the

na suna tu ne kya kahen zalim

warna ham arz-e-hal rakhte the

na raha intizar bhi ai yas

ham ummid-e-wisal rakhte the

jauhar-e-aina nain dikhlaya

sada ro jo kamal rakhte the

na suna tha kisu ne ye to ghurur

sabhi dilbar jamal rakhte the

ah wo din gae ke ham bhi asar

dil ko apne sambhal rakhte the