ہم سے وارفتہ الفت ہیں بہت کم پیدا

ہم سے وارفتہ الفت ہیں بہت کم پیدا

ہاتھ سے کھو نہ ہمیں ہوں گے نہ پھر ہم پیدا

التیام اس کا جو ہے لطف بتاں پر موقوف

زخم دل کا مرے ہوتا نہیں مرہم پیدا

بد نہ کہہ بد کو کہ صناع بد و نیک ہے ایک

خار و گل ہوتے ہیں اک شاخ سے باہم پیدا

نہیں ابرو ترے رخسار کے سجدے کے لیے

عکس انگشت شہادت نے کیا خم پیدا

میں بھی ہوں باعث ایجاد ہوسؔ اک شے کا

میری خاطر مرے خالق نے کیا غم پیدا

ham se warafta ulfat hain bahut kam paida

hath se kho na hamen honge na phir ham paida

iltiyam us ka jo hai lutf-e-butan par mauquf

zakhm-e-dil ka mire hota nahin marham paida

bad na kah bad ko ke sanna bad-o-nek hai ek

khar-o-gul hote hain ik shakh se baham paida

nahin abru tire rukhsar ke sajde ke liye

aks angishat-e-shahadat ne kiya kham paida

main bhi hun bais-e-ijad hawas ik shai ka

meri khatir mire khaliq ne kiya gham paida