ہم جو مست شراب ہوتے ہیں

ہم جو مست شراب ہوتے ہیں

ذرے سے آفتاب ہوتے ہیں

ہے خرابات صحبت واعظ

لوگ ناحق خراب ہوتے ہیں

کیا کہیں کیسے روز و شب ہم سے

عمل ناثواب ہوتے ہیں

بادشہ ہیں گدا، گدا سلطان

کچھ نئے انقلاب ہوتے ہیں

ہم جو کرتے ہیں مے کدے میں دعا

اہل مسجد کو خواب ہوتے ہیں

وہی رہ جاتے ہیں زبانوں پر

شعر جو انتخاب ہوتے ہیں

کہتے ہیں مست رند سودائی

خوب ہم کو خطاب ہوتے ہیں

آنسوؤں سے امیرؔ ہیں رسوا

ایسے لڑکے عذاب ہوتے ہیں

ham jo mast-e-sharab hote hain

zarre se aftab hote hain

hai kharabat-e-sohbat-e-waiz

log nahaq kharab hote hain

kya kahen kaise roz-o-shab ham se

amal-e-nasawab hote hain

badshah hain gada, gada sultan

kuchh nae inqilab hote hain

ham jo karte hain mai kade mein dua

ahl-e-masjid ko khwab hote hain

wahi rah jate hain zabanon par

sher jo intikhab hote hain

kahte hain mast rind-e-saudai

khub ham ko khitab hote hain

ansuon se amir hain ruswa

aise larke azab hote hain