جانا جانا جلدی کیا ہے ان باتوں کو جانے دو
Safi Lakhnavi (1862–1950)جانا جانا جلدی کیا ہے ان باتوں کو جانے دو
ٹھہرو ٹھہرو دل تو ٹھہرے مجھ کو ہوش میں آنے دو
پانو نکالو خلوت سے آئے جو قیامت آنے دو
سیارے سر آپس میں ٹکرائیں اگر ٹکرانے دو
بادل گرجا بجلی چمکی روئی شبنم پھول ہنسے
مرغ سحر کو ہجر کی شب کے افسانے دہرانے دو
ہاتھ میں ہے آئینہ و شانہ پھر بھی شکن پیشانی پر
موج صبا سے تم نہ بگڑو زلفوں کو بل کھانے دو
کثرت سے جب نام و نشاں ہے کیا ہوں گے گمنام صفیؔ
نقش دلوں پر نام ہے اپنا نقش لحد مٹ جانے دو
jana jana jaldi kya hai in baton ko jane do
thahro thahro dil to thahre mujh ko hosh mein ane do
paon nikalo khalwat se ae jo qayamat ane do
sayyare sar apas mein takraen agar takrane do
badal garja bijli chamki roi shabnam phul hanse
murgh-e-sahar ko hijr ki shab ke afsane dohrane do
hath mein hai aina-o-shana phir bhi shikan peshani par
mauj-e-saba se tum na bigro zulfon ko bal khane do
kasrat se jab nam-o-nishan hai kya honge gumnam safi
naqsh dilon par nam hai apna naqsh lahad mit jane do