ہزار رنج ہو دل لاکھ درد مند رہے

ہزار رنج ہو دل لاکھ درد مند رہے

خیال پست نہ ہو حوصلہ بلند رہے

غم فراق میں دل کیوں نہ درد مند رہے

بہار آ کے گئی ہم قفس میں بند رہے

خدا کی یاد میں دنیا کو بھول جا اے دل

وہ کام کر کہ ہر اک طرف سود مند رہے

ملے کہ کچھ نہ ملے مانگنے سے کام رکھوں

تری جناب میں دست دعا بلند رہے

دکھائیں گردش دوراں نے صورتیں کیا کیا

مگر مجھے تو اکیلے تمہیں پسند رہے

غرور حسن انہیں انکسار شیوۂ عشق

وہ بے نیاز رہے ہم نیاز مند رہے

جناب شیخ بھی مخمورؔ شب کو رندوں میں

عجیب حال سے مصروف وعظ و پند رہے

hazar ranj ho dil lakh dard mand rahe

khayal past na ho hausla buland rahe

gham-e-firaq mein dil kyun na dard mand rahe

bahar a ke gai ham qafas mein band rahe

khuda ki yad mein duniya ko bhul ja ai dil

wo kam kar ke har ik taraf sud mand rahe

mile ke kuchh na mile mangne se kam rakhun

tiri janab mein dast-e-dua buland rahe

dikhaen gardish-e-dauran ne suraten kya kiya

magar mujhe to akele tumhen pasand rahe

ghurur-e-husn unhen inkisar shewa-e-ishq

wo be niyaz rahe ham niyaz mand rahe

janab-e-shaikh bhi makhmur shab ko rindon mein

ajib hal se masruf-e-waaz-o-pand rahe