ہزاروں طرح اپنا درد ہم اس کو سناتے ہیں

ہزاروں طرح اپنا درد ہم اس کو سناتے ہیں

مگر تصویر کو ہر حال میں تصویر پاتے ہیں

بجھا دے اے ہوائے تند مدفن کے چراغوں کو

سیہ بختی میں یہ اک بد نما دھبہ لگاتے ہیں

مرتب کر گیا اک عشق کا قانون دنیا میں

وہ دیوانے ہیں جو مجنوں کو دیوانہ بتاتے ہیں

اسی محفل سے میں روتا ہوا آیا ہوں اے آسیؔ

اشارے میں جہاں لاکھوں مقدر بدلے جاتے ہیں

hazaron tarah apna dard ham us ko sunate hain

magar taswir ko har hal mein taswir pate hain

bujha de ai hawa-e-tund madfan ke charaghon ko

siyah bakhti mein ye ik bad numa dhabba lagate hain

murattib kar gaya ik ishq ka qanun duniya mein

wo diwane hain jo majnun ko diwana batate hain

isi mahfil se main rota hua aya hun ai asi

ishare mein jahan lakhon muqaddar badle jate hain