ہستی کو اپنی شعلہ بداماں کریں گے ہم

ہستی کو اپنی شعلہ بداماں کریں گے ہم

زنداں میں بھی گئے تو چراغاں کریں گے ہم

برہم ہوں بجلیاں کہ ہوائیں خلاف ہوں

کچھ بھی ہو اہتمام گلستاں کریں گے ہم

دامن کی کیا بساط گریباں ہے چیز کیا

نذر بہار نقد دل و جاں کریں گے ہم

ظلمت سے بے کراں تو اجالے بھی کم نہیں

ہر داغ دل کو آج فروزاں کریں گے ہم

اب دیکھتے ہیں کون اڑاتا ہے رنگ و بو

اپنا لہو شریک بہاراں کریں گے ہم

جن کو فریب شوق میں آنا تھا آ چکے

اب تو ترے کرم کو پشیماں کریں گے ہم

hasti ko apni shola badaman karenge ham

zindan mein bhi gae to charaghan karenge ham

barham hun bijliyan ke hawaen khilaf hun

kuchh bhi ho ehtimam gulistan karenge ham

daman ki kya bisat-e-gareban hai chiz kya

nazr-e-bahar naqd-e-dil-o-jan karenge ham

zulmat se be karan to ujale bhi kam nahin

har dagh-e-dil ko aj farozan karenge ham

ab dekhte hain kaun urata hai rang-o-bu

apna lahu sharik-e-baharan karenge ham

jin ko fareb-e-shauq mein ana tha a chuke

ab to tire karam ko pasheman karenge ham