ہر چند کہ اب مجھ سے ستم اٹھ نہیں سکتا

ہر چند کہ اب مجھ سے ستم اٹھ نہیں سکتا

لیکن ترے کوچے سے قدم اٹھ نہیں سکتا

کیا ضعف نے شرمندہ کیا صبر کے آگے

فرقت میں جو یہ بار الم اٹھ نہیں سکتا

جو کعبہ میں ہے ہے وہی بت خانے میں جلوہ

اک پردہ ہے سو شیخ حرم اٹھ نہیں سکتا

تو ہووے خفا اور نہ در سے ترے اٹھوں

سر ہی ترے قدموں کی قسم اٹھ نہیں سکتا

عالم میں لٹائی ہے بڑی حسن کی دولت

میری ہی طرف دست کرم اٹھ نہیں سکتا

گو پیچ تو ہے کوچۂ دل دار میں یا رب

اٹھا تو قدم سوئے ارم اٹھ نہیں سکتا

عارفؔ کو جو دیکھا ہے تو چلنے میں ہوا ہے

لیکن ترے کوچے سے قدم اٹھ نہیں سکتا

har chand ke ab mujh se sitam uth nahin sakta

lekin tire kuche se qadam uth nahin sakta

kya zof ne sharminda kiya sabr ke age

furqat mein jo ye bar-e-alam uth nahin sakta

jo kaaba mein hai hai wahi but khane mein jalwa

ik parda hai so shaikh-e-haram uth nahin sakta

tu howe khafa aur na dar se tire uthun

sar hi tire qadmon ki qasam uth nahin sakta

alam mein lutai hai bari husn ki daulat

meri hi taraf dast-e-karam uth nahin sakta

go pech to hai kucha-e-dil dar mein ya rab

utha to qadam su-e-iram uth nahin sakta

arif ko jo dekha hai to chalne mein hua hai

lekin tire kuche se qadam uth nahin sakta