ہر طور ہر طرح کی جو ذلت مجھی کو ہے

ہر طور ہر طرح کی جو ذلت مجھی کو ہے

دنیا میں کیا کسی سے محبت مجھی کو ہے

خود میں نے اپنے آپ کو بد نام کر دیا

ثابت ہوا کہ مجھ سے عداوت مجھی کو ہے

تم بھی تو روز دیکھتے رہتے ہو آئینہ

سچ بولو کیا پسند یہ صورت مجھی کو ہے

تم کو تو کچھ ضرور نہیں پاس دوستی

ہاں یہ ضرور ہے کہ ضرورت مجھی کو ہے

جب لطف تھا کہ اس کو بھی ہوتا مرا خیال

کیفیؔ غضب تو یہ ہے محبت مجھی کو ہے

har taur har tarah ki jo zillat mujhi ko hai

duniya mein kya kisi se mohabbat mujhi ko hai

khud main ne apne ap ko bad nam kar diya

sabit hua ke mujh se adawat mujhi ko hai

tum bhi to roz dekhte rahte ho aina

sach bolo kya pasand ye surat mujhi ko hai

tum ko to kuchh zarur nahin pas dosti

han ye zarur hai ke zarurat mujhi ko hai

jab lutf tha ke us ko bhi hota mira khayal

kaifi ghazab to ye hai mohabbat mujhi ko hai