ہرگز نہ مرے محرم ہمراز ہوئے تم

ہرگز نہ مرے محرم ہمراز ہوئے تم

آئینے میں اپنے ہی نظر باز ہوئے تم

شکوہ نہ مجھے غیر سے نے یار کی خو سے

دشمن مرے اے طالع ناساز ہوئے تم

خمیازہ کشان مے الفت کی بن آئی

مے پی کے جو کل مست سر انداز ہوئے تم

میں تم کو نہ کہتا تھا کہ آئینہ نہ دیکھو

آخر ہدف چشم فسوں ساز ہوئے تم

دکھ پہنچے جو کچھ تم کو تمہاری یہ سزا ہے

کیوں اس کے ہوسؔ عاشق جانباز ہوئے تم

hargiz na mire mahram hamraz hue tum

aine main apne hi nazar baz hue tum

shikwa na mujhe ghair se ne yar ki khu se

dushman mire ai tale-e-nasaz hue tum

khamyaza kashin-e-mai ulfat ki ban ai

mai pi ke jo kal mast-e-sar andaz hue tum

main tum ko na kahta tha ke aina na dekho

akhir hadaf-e-chashm-e-fusun saz hue tum

dukh pahunche jo kuchh tum ko tumhari ye saza hai

kyun us ke hawas ashiq-e-janbaz hue tum