ہرگز مرا وحشی نہ ہوا رام کسی کا

ہرگز مرا وحشی نہ ہوا رام کسی کا

وہ صبح کو ہے یار مرا شام کسی کا

اس ہستئ موہوم میں ہرگز نہ کھلی چشم

معلوم کسی کو نہیں انجام کسی کا

اتنا کوئی کہہ دے کہ مرا یار کہاں ہے

باللہ میں لینے کا نہیں نام کسی کا

ہونے دے مرا چاک گریباں مرے ناصح

نکلے مرے ہاتھوں سے بھلا کام کسی کا

ناحق کو فغاںؔ کے تئیں تشہیر کیا ہے

دنیا میں نہ ہووے کوئی بدنام کسی کا

hargiz mira wahshi na hua ram kisi ka

wo subh ko hai yar mira sham kisi ka

is hasti-e-mauhum mein hargiz na khuli chashm

maalum kisi ko nahin anjam kisi ka

itna koi kah de ke mira yar kahan hai

balla mein lene ka nahin nam kisi ka

hone de mira chak-e-gareban mire naseh

nikle mire hathon se bhala kam kisi ka

nahaq ko fughan ke tain tashhir kya hai

duniya mein na howe koi badnam kisi ka