ہر گھڑی انقلاب میں گزری

ہر گھڑی انقلاب میں گزری

زندگی کس عذاب میں گزری

شوق تھا مانع تجلی دوست

ان کی شوخی حجاب میں گزری

کرم بے حساب چاہا تھا

ستم بے حساب میں گزری

ورنہ دشوار تھا سکون حیات

خیر سے اضطراب میں گزری

راز ہستی کی جستجو میں رہے

رات تعبیر خواب میں گزری

کچھ کٹی ہمت سوال میں عمر

کچھ امید جواب میں گزری

کس خرابی سے زندگی فانیؔ

اس جہان خراب میں گزری

har ghari inqilab mein guzri

zindagi kis azab mein guzri

shauq tha mane-e-tajalli dost

un ki shokhi hijab mein guzri

karam-e-be hisab chaha tha

sitam-e-be hisab mein guzri

warna dushwar tha sukun-e-hayat

khair se iztirab mein guzri

raz-e-hasti ki justuju mein rahe

rat taabir khwab mein guzri

kuchh kati himmat sawal mein umr

kuchh ummid-e-jawab mein guzri

kis kharabi se zindagi fani

is jahan-e-kharab mein guzri