ہر طرف بکھرے ہیں رنگیں سائے

ہر طرف بکھرے ہیں رنگیں سائے

راہ رو کوئی نہ ٹھوکر کھائے

زندگی حرف غلط ہی نکلی

ہم نے معنی تو بہت پہنائے

دامن خواب کہاں تک پھیلے

ریگ کی موج کہاں تک جائے

تجھ کو دیکھا ترے وعدے دیکھے

اونچی دیوار کے لمبے سائے

بند کلیوں کی ادا کہتی ہے

بات کرنے کے ہیں سو پیرائے

بام و در کانپ اٹھے ہیں باقیؔ

اس طرح جھوم کے بادل آئے

har taraf bikhre hain rangin sae

rah ro koi na thokar khae

zindagi harf-e-ghalat hi nikli

ham ne maani to bahut pahnae

daman-e-khwab kahan tak phaile

reg ki mauj kahan tak jae

tujh ko dekha tire waade dekhe

unchi diwar ke lambe sae

band kaliyon ki ada kahti hai

bat karne ke hain so pairae

bam-o-dar kanp uthe hain baqi

is tarah jhum ke badal ae