ہر جفا ان کی ہوئی ہم کو وفا سے بڑھ کر

ہر جفا ان کی ہوئی ہم کو وفا سے بڑھ کر

اب نکالیں وہ کوئی ظلم جفا سے بڑھ کر

سر تسلیم ہے خم تیری رضا کے آگے

دے وہ رتبہ جو ہے تسلیم و رضا سے بڑھ کر

کمسنی جن کی ہمیں یاد ہے اور کل کی ہی بات

آج انہیں دیکھیے کیا ہو گئے کیا سے بڑھ کر

اللہ اللہ خصوصیت ذات حسنین

ساری امت کے ہیں پوتوں سے نواسے بڑھ کر

تجربہ کر لیا اور دیکھ لیا سب کو شرفؔ

کوئی ہمدرد نہیں یاد خدا سے بڑھ کر

har jafa un ki hui ham ko wafa se barh kar

ab nikalen wo koi zulm jafa se barh kar

sar-e-taslim hai kham teri raza ke age

de wo rutba jo hai taslim-o-raza se barh kar

kamsini jin ki hamen yad hai aur kal ki hi bat

aj unhen dekhiye kya ho gae kya se barh kar

allah allah khususiyyat zat hasanain

sari ummat ke hain puton se nawase barh kar

tajriba kar liya aur dekh liya sab ko sharaf

koi hamdard nahin yad-e-khuda se barh kar