ہر شب خیال غیر کے مارے الگ تھلگ

ہر شب خیال غیر کے مارے الگ تھلگ

آتے ہیں خواب میں وہ ہمارے الگ تھلگ

گر غیر ساتھ سایہ کے صورت نہ تھا تو کیوں

مثل صبا چمن سے سدھارے الگ تھلگ

بلبل وہ ہوں کہ فصل کے پہلے ہی باغباں

لیتا ہے باغ جس کا اجارے الگ تھلگ

دام بلا میں پھنستے ہیں آپ آ کے سیکڑوں

وہ بت ہزار بال سنوارے الگ تھلگ

اے گل تجھے کسی کی نہ مطلق خبر ہوئی

غنچے چٹک چٹک کے پکارے الگ تھلگ

خلوت میں بھی جو آئے ہیں جلوت کا ذکر کیا

بیٹھے ہوئے ہیں شرم کے مارے الگ تھلگ

پیش نظر شبیہ خیالی ہے اپنی شادؔ

نقشے جمے ہوئے ہیں ہمارے الگ تھلگ

har shab khayal-e-ghair ke mare alag thalag

ate hain khwab mein wo hamare alag thalag

gar ghair sath saya ke surat na tha to kyun

misl-e-saba chaman se sidhare alag thalag

bulbul wo hun ke fasl ke pahle hi baghban

leta hai bagh jis ka ijare alag thalag

dam-e-bala mein phanste hain ap a ke saikron

wo but hazar bal sanware alag thalag

ai gul tujhe kisi ki na mutlaq khabar hui

ghunche chutak chutak ke pukare alag thalag

khalwat mein bhi jo ae hain jalwat ka zikr kya

baithe hue hain sharm ke mare alag thalag

pesh-e-nazar shabih khayali hai apni shad

naqshe jame hue hain hamare alag thalag