ہر سانس ہے شرح ناکامی پھر عشق کو رسوا کون کرے

ہر سانس ہے شرح ناکامی پھر عشق کو رسوا کون کرے

تکمیل وفا ہے مٹ جانا جینے کی تمنا کون کرے

جو غافل تھے ہشیار ہوئے جو سوتے تھے بیدار ہوئے

جس قوم کی فطرت مردہ ہو اس قوم کو زندہ کون کرے

ہر صبح کٹی ہر شام کٹی بیداد سہی افتاد سہی

انجام محبت جب یہ ہے اس جنس کا سودا کون کرے

حیراں ہیں نگاہیں دل بے خود محجوب ہے حسن بے پروا

اب عرض تمنا کس سے ہو اب عرض تمنا کون کرے

فطرت ہے ازل سے پابندی کچھ قدر نہیں آزادی کی

نظروں میں ہیں دل کش زنجیریں رخ جانب صحرا کون کرے

har sans hai sharh-e-nakami phir ishq ko ruswa kaun kare

takmil-e-wafa hai mit jana jine ki tamanna kaun kare

jo ghafil the hushyar hue jo sote the bedar hue

jis qaum ki fitrat murda ho is qaum ko zinda kaun kare

har subh kati har sham kati bedad sahi uftad sahi

anjam-e-mohabbat jab ye hai is jins ka sauda kaun kare

hairan hain nigahen dil be khud mahjub hai husn-e-be parwa

ab arz-e-tamanna kis se ho ab arz-e-tamanna kaun kare

fitrat hai azal se pabandi kuchh qadr nahin azadi ki

nazron mein hain dil kash zanjiren rukh janib sahra kaun kare