ہر حرف آرزو پہ کرے تھا وہ یار بحث

ہر حرف آرزو پہ کرے تھا وہ یار بحث

ایک ایک بات پر تھی اسے شب ہزار بحث

لائے ہے کھینچ آرزوئے زخم دور سے

کہو وار پر نہ قاتل خنجر گزار بحث

حیرت زدوں کو محفل تصویر کی طرح

نے ہے شعار رمز و کنایہ نہ کار بحث

یا ذکر دوست یا ہے زباں پر حدیث عشق

جوں اہل مدرسہ نہیں اپنا شعار بحث

تکرار سے دل اپنا جو مانگا کہا کہ چل

ملتا ہے کوئی یہ نہ عبث بار بار بحث

کیجے اگر گلہ تو طرف دار یار ہو

آپ ہی لگائے مجھ سے دل بے قرار بحث

ممنوںؔ مجھے نصیحت صائبؔ یہ یاد ہے

تا صلح ممکن است مکن زینہار بحث

har harf-e-arzu pe kare tha wo yar bahs

ek ek bat par thi use shab hazar bahs

lae hai khinch arzu-e-zakhm dur se

kaho war par na qatil khanjar guzar-e-bahs

hairat zadon ko mahfil-e-taswir ki tarah

ne hai shiar ramz-o-kinaya na kar bahs

ya zikr-e-dost ya hai zaban par hadis ishq

jun ahl-e-madrasa nahin apna shiar bahs

takrar se dil apna jo manga kaha ke chal

milta hai koi ye na abas bar bar bahs

kije agar gila to taraf dar-e-yar ho

ap hi lagae mujh se dil-e-be qarar bahs

mamnun mujhe nasihat-e-saib ye yad hai

ta sulh mumkin ast makan zinhar bahs