ہر دم طرف ہے ویسے مزاج کرخت کا

ہر دم طرف ہے ویسے مزاج کرخت کا

ٹکڑا مرا جگر ہے کہو سنگ سخت کا

سبزان ان رو کی جہاں جلوہ گاہ تھی

اب دیکھیے تو واں نہیں سایہ درخت کا

جوں برگ ہائے لالہ پریشان ہو گیا

مذکور کیا ہے اب جگر لخت لخت کا

دلی میں آج بھیک بھی ملتی نہیں انہیں

تھا کل تلک دماغ جنہیں تاج و تخت کا

خاک سیہ سے میں جو برابر ہوا ہوں میرؔ

سایہ پڑا ہے مجھ پہ کسو تیرہ بخت کا

har dam taraf hai waise mizaj-e-karakht ka

tukra mira jigar hai kaho sang-e-sakht ka

sabzan un ro ki jahan jalwa gah thi

ab dekhiye to wan nahin saya darakht ka

jun barg ha-e-lala pareshan ho gaya

mazkur kya hai ab jigar-e-lakht lakht ka

dilli mein aj bhik bhi milti nahin unhen

tha kal talak dimagh jinhen taj-o-takht ka

khak-e-siyah se main jo barabar hua hun mir

saya para hai mujh pe kisu tira bakht ka