ہر سانس کے ساتھ جا رہا ہوں

ہر سانس کے ساتھ جا رہا ہوں

میں تیرے قریب آ رہا ہوں

یہ دل میں کراہنے لگا کون

رو رو کے کسے رلا رہا ہوں

اب عشق کو بے نقاب کر کے

میں حسن کو آزما رہا ہوں

اسرار جمال کھل رہے ہیں

ہستی کا سراغ پا رہا ہوں

تنہائی شام غم کے ڈر سے

کچھ ان سے جواب پا رہا ہوں

لذت کش آرزو ہوں فانیؔ

دانستہ فریب کھا رہا ہوں

har sans ke sath ja raha hun

main tere qarib a raha hun

ye dil mein karahne laga kaun

ro ro ke kise rula raha hun

ab ishq ko be naqab kar ke

main husn ko azma raha hun

asrar jamal khul rahe hain

hasti ka suragh pa raha hun

tanhai sham-e-gham ke dar se

kuchh un se jawab pa raha hun

lazzat kash arzu hun fani

danista fareb kha raha hun