ہر تبسم کو چمن میں گریہ ساماں دیکھ کر

ہر تبسم کو چمن میں گریہ ساماں دیکھ کر

جی لرز جاتا ہے ان غنچوں کو خنداں دیکھ کر

آخر آخر ہوش ہی وحشت بھی تھا حیرت بھی تھا

دل کو عالم آفریں صحرا بداماں دیکھ کر

شیوہ اپنا غم پرستی قبلہ اپنا خاک دل

روح غم کو پیکر خاکی میں انساں دیکھ کر

ہر تسلی سے سوا ہوتی گئی دل کی تڑپ

درد کچھ سے کچھ ہوا سامان درماں دیکھ کر

اس کو انعام خودی اور اس پر لطف بے خودی

وہ کرم کرتے ہیں ظرف اہل عرفاں دیکھ کر

معنی صورت میں ہم نے تیری صورت دیکھ لی

تیری قدرت دیکھ لی انساں کو انساں دیکھ کر

قبر فانیؔ پر میں وہ برچیدہ دامن اے نسیم

منتشر کر خاک لیکن ان کا داماں دیکھ کر

har tabassum ko chaman mein girya saman dekh kar

ji laraz jata hai in ghunchon ko khandan dekh kar

akhir akhir hosh hi wahshat bhi tha hairat bhi tha

dil ko alam afrin sahra badaman dekh kar

shewa apna gham parasti qibla apna khak dil

ruh-e-gham ko paikar-e-khaki mein insan dekh kar

har tasalli se siwa hoti gai dil ki tarap

dard kuchh se kuchh hua saman-e-darman dekh kar

us ko inam-e-khudi aur us pur lutf be khudi

wo karam karte hain zarf-e-ahl-e-irfan dekh kar

maani-e-surat mein ham ne teri surat dekh li

teri qudrat dekh li insan ko insan dekh kar

qabr fani par main wo barchida daman ai nasim

muntashir kar khak lekin un ka daman dekh kar