ہائے اس بے خود شباب کا رنگ

ہائے اس بے خود شباب کا رنگ

لال انگارہ سا شراب کا رنگ

ہو گیا خون حسرت دیدار

دے دیا اشک نے شہاب کا رنگ

اس کی خوش بو گلاب کی خوش بو

رنگ اس شوخ کا گلاب کا رنگ

ستیاناس ہو گیا دل کا

کیا کہوں اس جلے کباب کا رنگ

بجلیاں دشمنوں پہ گرتی ہیں

دیکھ کر میرے اضطراب کا رنگ

وہ سر شام سیر کو نکلے

پڑ گیا زرد آفتاب کا رنگ

اس کے رخ پر نکھر گئی سرخی

اللہ اللہ اس حجاب کا رنگ

ماند ہے رات دن ترے آگے

ماہتاب اور آفتاب کا رنگ

اتنی شوخی صفیؔ کسی میں کہاں

رنگ میں رنگ تو شراب کا رنگ

hae us be khud-e-shabab ka rang

lal angara sa sharab ka rang

ho gaya khun-e-hasrat-e-didar

de diya ashk ne shahab ka rang

us ki khush bu gulab ki khush bu

rang us shokh ka gulab ka rang

sattiyanas ho gaya dil ka

kya kahun is jale kabab ka rang

bijliyan dushmanon pe girti hain

dekh kar mere iztirab ka rang

wo sar-e-sham sair ko nikle

par gaya zard aftab ka rang

us ke rukh par nikhar gai surkhi

allah allah is hijab ka rang

mand hai rat din tire age

mahtab aur aftab ka rang

itni shokhi safi kisi mein kahan

rang mein rang to sharab ka rang