جان یہ کہہ کے بت ہوش ربا نے لے لی

جان یہ کہہ کے بت ہوش ربا نے لے لی

کوئی پوچھے تو یہ کہنا کہ خدا نے لے لی

گل مقصود میں اول تو مہک تھی ہی نہیں

اور جو تھی بھی وہ حسرت کی ہوا نے لے لی

سب سے پہلے تو سیاہی مری قسمت کو ملی

جو بچی تھی وہ تری زلف دوتا نے لے لی

جان کمبخت محبت میں بچائے نہ بچی

بت کافر سے جو چھوٹی تو خدا نے لے لی

دم آخر بت بے درد کا دامن چھوٹا

میرے ہاتھوں سے بڑی چیز خدا نے لے لی

چل بسی جان تو اس بات کا غم کیا مضطرؔ

اک امانت تھی خدا کی سو خدا نے لے لی

jan ye kah ke but-e-hosh ruba ne le li

koi puchhe to ye kahna ke khuda ne le li

gul-e-maqsud mein awwal to mahak thi hi nahin

aur jo thi bhi wo hasrat ki hawa ne le li

sab se pahle to siyahi miri qismat ko mili

jo bachi thi wo tiri zulf-e-duta ne le li

jan kambakht mohabbat mein bachae na bachi

but-e-kafir se jo chhoti to khuda ne le li

dam-e-akhir but-e-be dard ka daman chhota

mere hathon se bari chiz khuda ne le li

chal basi jan to is bat ka gham kya muztar

ik amanat thi khuda ki so khuda ne le li