درد کا درد سے درماں کرتے

درد کا درد سے درماں کرتے

یوں علاج غم جاناں کرتے

ہم اگر فکر گلستاں کرتے

روز دامن کو گریباں کرتے

گھر کی ویرانی سے فرصت نہ ملی

ورنہ ہم سیر بیاباں کرتے

کتنا ارزاں ہے غریبوں کا لہو

آپ تو روز چراغاں کرتے

دل امنڈ آیا تھا بیٹھے بیٹھے

کیسے اندازۂ طوفاں کرتے

دل کا خون آنکھ تک آ ہی جاتا

آپ کچھ ذکر گلستاں کرتے

عمر گزری ہے ہماری احساسؔ

خاطر شام غریباں کرتے

dard ka dard se darman karte

yun ilaj-e-gham-e-janan karte

ham agar fikr-e-gulistan karte

roz daman ko gareban karte

ghar ki wirani se fursat na mili

warna ham sair bayaban karte

kitna arzan hai gharibon ka lahu

ap to roz charaghan karte

dil umand aya tha baithe baithe

kaise andaza-e-tufan karte

dil ka khun ankh tak a hi jata

ap kuchh zikr-e-gulistan karte

umr guzri hai hamari ehsas

khatir-e-sham-e-ghariban karte