ہاں مجھے گوارا ہے عشق کا سفر تنہا

ہاں مجھے گوارا ہے عشق کا سفر تنہا

اس نے مجھ کو چھوڑا ہے کچھ تو سوچ کر تنہا

زیست ہے مگر سونی عشق ہے مگر تنہا

چشم سربسر ویراں قلب سربسر تنہا

وہ جمال کی تابش جیسے نور کی بارش

حسن یار کی یورش اور مری نظر تنہا

دل کی ایک اک حسرت چھوڑ کر ہوئی رخصت

ہائے رے یہ سناٹا ہائے رے یہ گھر تنہا

کیا قیامتیں یارو حسن کے جلو میں تھیں

ہم نے دور تک دیکھا عشق تھا مگر تنہا

ٹھوکریں ہی کھاؤں گا گر کے اٹھ نہ پاؤں گا

منزل محبت میں میں چلا اگر تنہا

دامن محبت پر دل کا خون بھی ہوگا

تیرا غم منائے گی کیسے چشم تر تنہا

han mujhe gawara hai ishq ka safar tanha

us ne mujh ko chhora hai kuchh to soch kar tanha

zist hai magar suni ishq hai magar tanha

chashm-e-sarbasar wiran qalb sarbasar tanha

wo jamal ki tabish jaise nur ki barish

husn-e-yar ki yurish aur miri nazar tanha

dil ki ek ik hasrat chhor kar hui rukhsat

hae re ye sannata hae re ye ghar tanha

kya qayamaten yaro husn ke jilau mein thin

ham ne dur tak dekha ishq tha magar tanha

thokaren hi khaunga gir ke uth na paunga

manzil-e-mohabbat mein main chala agar tanha

daman-e-mohabbat par dil ka khun bhi hoga

tera gham manaegi kaise chashm-e-tar tanha