وہ درد دل بھی نہیں چشم خوں فشاں بھی نہیں

وہ درد دل بھی نہیں چشم خوں فشاں بھی نہیں

کبھی جو تھا وہ اب انداز گلستاں بھی نہیں

علاج درد محبت تو کر نہیں سکتے

تمہارے قبضے میں کیا مرگ ناگہاں بھی نہیں

وہ اس مقام سے گزرے ہیں دل یہ کہتا ہے

جھکا ہے سر کہ جہاں کوئی آستاں بھی نہیں

اسی چمن میں کئی بار شعلے بھڑکے ہیں

مری نوا کا کوئی اب مزاج داں بھی نہیں

سکوت کتنے مراحل کے بعد آتا ہے

وہ مطمئن ہیں مرے لب پہ اب فغاں بھی نہیں

یہ اور بات قفس میں گزار دوں دن رات

مرا مقام تو ورنہ یہ گلستاں بھی نہیں

شب فراق میں اندیشۂ سحر کیسا

یہ وہ زمیں ہے جہاں کوئی آسماں بھی نہیں

wo dard-e-dil bhi nahin chashm-e-khun fishan bhi nahin

kabhi jo tha wo ab andaz-e-gulsitan bhi nahin

ilaj-e-dard-e-mohabbat to kar nahin sakte

tumhare qabze mein kya marg-e-nagahan bhi nahin

wo us maqam se guzre hain dil ye kahta hai

jhuka hai sar ke jahan koi astan bhi nahin

isi chaman mein kai bar shole bharke hain

miri nawa ka koi ab mizaj dan bhi nahin

sukut kitne marahil ke baad ata hai

wo mutmain hain mire lab pe ab fughan bhi nahin

ye aur bat qafas mein guzar dun din rat

mira maqam to warna ye gulsitan bhi nahin

shab-e-firaq mein andesha-e-sahar kaisa

ye wo zamin hai jahan koi asman bhi nahin