بہ نام کوچۂ دل دار گل برسے کہ سنگ آئے

بہ نام کوچۂ دل دار گل برسے کہ سنگ آئے

ہنسا ہے چاک پیراہن نہ کیوں چہرے پہ رنگ آئے

بچاتے پھرتے آخر کب تلک دست عزیزاں سے

انہیں کو سونپ کر ہم تو کلاہ نام و ننگ آئے

ہنسو مت اہل دل اپنی سی جانو بزم خوباں میں

چلے آئے ادھر ہم بھی بہت جب دل سے تنگ آئے

کہاں صحن چمن میں بات کوئے سرفروشاں کی

ادھر سے سادہ رو نکلے ادھر سے لالہ رنگ آئے

کرو مجروحؔ تب دار و رسن کے تذکرے ہم سے

جب اس قامت کے سائے میں تمہیں جینے کا ڈھنگ آئے

ba nam-e-kucha-e-dil dar-e-gul barse ke sang ae

hansa hai chak pairahan na kyun chehre pe rang ae

bachate phirte akhir kab talak dast-e-azizan se

unhen ko saunp kar ham to kulah-e-nam-o-nang ae

hanso mat ahl-e-dil apni si jano bazm-e-khuban mein

chale ae idhar ham bhi bahut jab dil se tang ae

kahan sehn-e-chaman mein bat ku-e-sarfaroshan ki

idhar se sada ro nikle idhar se lala rang ae

karo majruh tab dar-o-rasan ke tazkire ham se

jab is qamat ke sae mein tumhen jine ka dhang ae