اس باغ میں وہ سنگ کے قابل کہا نہ جائے

اس باغ میں وہ سنگ کے قابل کہا نہ جائے

جب تک کسی ثمر کو مرا دل کہا نہ جائے

شاخوں پہ نوک تیغ سے کیا کیا کھلے ہیں پھول

انداز لالہ کاریٔ قاتل کہا نہ جائے

کس کے لہو کے رنگ ہیں یہ خار شوخ رنگ

کیا گل کتر گئی رہ منزل کہا نہ جائے

باراں کے منتظر ہیں سمندر پہ تشنہ لب

احوال میزبانیٔ ساحل کہا نہ جائے

میرے ہی سنگ و خشت سے تعمیر بام و در

میرے ہی گھر کو شہر میں شامل کہا نہ جائے

زنداں کھلا ہے جب سے ہوئے ہیں رہا اسیر

ہر گام ہے وہ شور سلاسل کہا نہ جائے

ہم اہل عشق میں نہیں حرف گنہ سے کم

وہ حرف شوق جو سر محفل کہا نہ جائے

جس ہاتھ میں ہے تیغ جفا اس کا نام لو

مجروحؔ سے تو سائے کو قاتل کہا نہ جائے

is bagh mein wo sang ke qabil kaha na jae

jab tak kisi samar ko mira dil kaha na jae

shakhon pe nok-e-tegh se kya kya khule hain phul

andaz-e-lala kari-e-qatil kaha na jae

kis ke lahu ke rang hain ye khar shokh rang

kya gul katar gai rah-e-manzil kaha na jae

baran ke muntazir hain samundar pe tishna lab

ahwal mezbani-e-sahil kaha na jae

mere hi sang-o-khisht se taamir-e-bam-o-dar

mere hi ghar ko shahr mein shamil kaha na jae

zindan khula hai jab se hue hain raha asir

har gam hai wo shor-e-salasil kaha na jae

ham ahl ishq mein nahin harf-e-gunah se kam

wo harf-e-shauq jo sar-e-mahfil kaha na jae

jis hath mein hai tegh-e-jafa us ka nam lo

majruh se to sae ko qatil kaha na jae