رہتے تھے کبھی جن کے دل میں ہم جان سے بھی پیاروں کی طرح

رہتے تھے کبھی جن کے دل میں ہم جان سے بھی پیاروں کی طرح

بیٹھے ہیں انہی کے کوچے میں ہم آج گنہ گاروں کی طرح

دعویٰ تھا جنہیں ہمدردی کا خود آ کے نہ پوچھا حال کبھی

محفل میں بلایا ہے ہم پہ ہنسنے کو ستم گاروں کی طرح

برسوں کے سلگتے تم من پر اشکوں کے تو چھینٹے دے نہ سکے

تپتے ہوئے دل کے زخموں پر برسے بھی تو انگاروں کی طرح

سو روپ بھرے جینے کے لیے بیٹھے ہیں ہزاروں زہر پئے

ٹھوکر نہ لگانا ہم خود ہیں گرتی ہوئی دیواروں کی طرح

rahte the kabhi jin ke dil mein ham jan se bhi pyaron ki tarah

baithe hain unhi ke kuche mein ham aj gunah garon ki tarah

daawa tha jinhen hamdardi ka khud a ke na puchha hal kabhi

mahfil mein bulaya hai ham pe hansne ko sitam garon ki tarah

barson ke sulagte tum man par ashkon ke to chhinte de na sake

tapte hue dil ke zakhmon par barse bhi to angaron ki tarah

so rup bhare jine ke liye baithe hain hazaron zahr piye

thokar na lagana ham khud hain girti hui diwaron ki tarah