ہوش زدہ نادان سے ڈر

ہوش زدہ نادان سے ڈر

بات سمجھ انسان سے ڈر

ترک محبت بھی ہے فریب

ٹھہرے ہوئے طوفان سے ڈر

راہ جنوں ہے راہ نجات

کفر سے بھاگ ایمان سے ڈر

دوری و قربت کچھ بھی نہیں

عشق میں اطمینان سے ڈر

موت بھی اتنی تلخ نہیں

دوستوں کے احسان سے ڈر

ایک تبسم کم نہ سمجھ

آنسوؤں کے طوفان سے ڈر

ہونٹھ ہنسیں دل روئے خمارؔ

عشق کی جھوٹی شان سے ڈر

hosh zada nadan se dar

bat samajh insan se dar

tark-e-mohabbat bhi hai fareb

thahre hue tufan se dar

rah-e-junun hai rah-e-najat

kufr se bhag iman se dar

duri-o-qurbat kuchh bhi nahin

ishq mein itminan se dar

maut bhi itni talkh nahin

doston ke ehsan se dar

ek tabassum kam na samajh

ansuon ke tufan se dar

honth hansen dil ru-e-khumar

ishq ki jhuti shan se dar