کیا ہوا حسن ہے ہم سفر یا نہیں

کیا ہوا حسن ہے ہم سفر یا نہیں

عشق منزل ہی منزل ہے رستہ نہیں

دو پرندے اڑے آنکھ نم ہو گئی

آج سمجھا کہ میں تجھ کو بھولا نہیں

ترک مے کو ابھی دن ہی کتنے ہوئے

کچھ کہا مے کو زاہد تو اچھا نہیں

ہر نظر میری بن جاتی زنجیر پا

اس نے جاتے ہوئے مڑ کے دیکھا نہیں

چھوڑ بھی دے مرا ساتھ اے زندگی

مجھ کو تجھ سے ندامت ہے شکوہ نہیں

تو نے توبہ تو کر لی مگر اے خمارؔ

تجھ کو رحمت پہ شاید بھروسہ نہیں

kya hua husn hai ham safar ya nahin

ishq manzil hi manzil hai rasta nahin

do parinde ure ankh nam ho gai

aj samjha ke main tujh ko bhula nahin

tark-e-mai ko abhi din hi kitne hue

kuchh kaha mai ko zahid to achchha nahin

har nazar meri ban jati zanjir-e-pa

us ne jate hue mur ke dekha nahin

chhor bhi de mira sath ai zindagi

mujh ko tujh se nadamat hai shikwa nahin

tu ne tauba to kar li magar ai khumar

tujh ko rahmat pe shayad bharosa nahin