دل کو تسکین یار لے ڈوبی

دل کو تسکین یار لے ڈوبی

اس چمن کو بہار لے ڈوبی

اشک تو پی گئے ہم ان کے حضور

آہ بے اختیار لے ڈوبی

عشق کے کاروبار کو اکثر

گرمیٔ کاروبار لے ڈوبی

حال غم ان سے بار بار کہا

اور ہنسی بار بار لے ڈوبی

تیرے ہر مشورے کو اے ناصح

آج پھر یاد یار لے ڈوبی

چار دن کا ہی ساتھ تھا لیکن

زندگی اے خمارؔ لے ڈوبی

dil ko taskin-e-yar le dubi

is chaman ko bahar le dubi

ashk to pi gae ham un ke huzur

ah be ikhtiyar le dubi

ishq ke karobar ko aksar

garmi-e-karobar le dubi

hal-e-gham un se bar bar kaha

aur hansi bar bar le dubi

tere har mashware ko ai naseh

aj phir yad-e-yar le dubi

char din ka hi sath tha lekin

zindagi ai khumar le dubi