کبھی شعر و نغمہ بن کے کبھی آنسوؤں میں ڈھل کے

کبھی شعر و نغمہ بن کے کبھی آنسوؤں میں ڈھل کے

وہ مجھے ملے تو لیکن ملے صورتیں بدل کے

یہ وفا کی سخت راہیں یہ تمہارے پائے نازک

نہ لو انتقام مجھ سے مرے ساتھ ساتھ چل کے

وہی آنکھ بے بہا ہے جو غم جہاں میں ڈوبے

وہی جام جام جم ہے جو بغیر فرق چھلکے

نہ تو ہوش سے تعارف نہ جنوں سے آشنائی

یہ کہاں پہنچ گئے ہم تری بزم سے نکل کے

یہ چراغ انجمن تو ہیں بس ایک شب کے مہماں

تو جلا وہ شمع اے دل جو بجھے کبھی نہ جل کے

کوئی اے خمارؔ ان کو مرے شعر نذر کر دے

جو مخالفین مخلص نہیں معترف غزل کے

kabhi sher-o-naghma ban ke kabhi ansuon mein dhal ke

wo mujhe mile to lekin mile suraten badal ke

ye wafa ki sakht rahen ye tumhare pae nazuk

na lo intiqam mujh se mire sath sath chal ke

wahi ankh be baha hai jo gham jahan mein dube

wahi jam jam-e-jam hai jo baghair farq chhalke

na to hosh se taaruf na junun se ashnai

ye kahan pahunch gae ham tiri bazm se nikal ke

ye charagh-e-anjuman to hain bas ek shab ke mehman

tu jala wo shama ai dil jo bujhe kabhi na jal ke

koi ai khumar un ko mire sher nazr kar de

jo mukhalfin mukhlis nahin motarif ghazal ke