پی پی کے جگمگائے زمانے گزر گئے

پی پی کے جگمگائے زمانے گزر گئے

راتوں کو دن بنائے زمانے گزر گئے

جان بہار پھول نہیں آدمی ہوں میں

آ جا کہ مسکرائے زمانے گزر گئے

کیا لائق ستم بھی نہیں اب میں دوستو

پتھر بھی گھر میں آئے زمانے گزر گئے

او جانے والے آ کہ ترے انتظار میں

رستے کو گھر بنائے زمانے گزر گئے

غم ہے نہ اب خوشی ہے نہ امید ہے نہ یاس

سب سے نجات پائے زمانے گزر گئے

مرنے سے وہ ڈریں جو بقید حیات ہیں

مجھ کو تو موت آئے زمانے گزر گئے

کیا کیا توقعات تھیں آہوں سے اے خمارؔ

یہ تیر بھی چلائے زمانے گزر گئے

pi pi ke jagmagae zamane guzar gae

raton ko din banae zamane guzar gae

jan-e-bahar phul nahin admi hun main

a ja ke muskurae zamane guzar gae

kya laiq-e-sitam bhi nahin ab main dosto

patthar bhi ghar mein ae zamane guzar gae

o jane wale a ke tire intizar mein

raste ko ghar banae zamane guzar gae

gham hai na ab khushi hai na ummid hai na yas

sab se najat pae zamane guzar gae

marne se wo daren jo baqaid-e-hayat hain

mujh ko to maut ae zamane guzar gae

kya kya tawaqquat thin ahon se ai khumar

ye tir bhi chillae zamane guzar gae