بات جب دوستوں کی آتی ہے

بات جب دوستوں کی آتی ہے

دوستی کانپ کانپ جاتی ہے

مجھ سے اے دوست پھر خفا ہو جا

عشق کو نیند آئی جاتی ہے

اب قیامت سے کیا ڈرے کوئی

اب قیامت تو روز آتی ہے

بھاگتا ہوں میں زندگی سے خمارؔ

اور یہ ناگن ڈسے ہی جاتی ہے

bat jab doston ki ati hai

dosti kanp kanp jati hai

mujh se ai dost phir khafa ho ja

ishq ko nind ai jati hai

ab qayamat se kya dare koi

ab qayamat to roz ati hai

bhagta hun main zindagi se khumar

aur ye nagin dase hi jati hai