آنکھوں کے چراغوں میں اجالے نہ رہیں گے

آنکھوں کے چراغوں میں اجالے نہ رہیں گے

آ جاؤ کہ پھر دیکھنے والے نہ رہیں گے

جا شوق سے لیکن پلٹ آنے کے لیے جا

ہم دیر تلک خود کو سنبھالے نہ رہیں گے

اے ذوق سفر خیر ہو نزدیک ہے منزل

سب کہتے ہیں اب پاؤں میں چھالے نہ رہیں گے

جن نالوں کی ہو جائے گی تا دوست رسائی

وہ سانحے بن جائیں گے نالہ نہ رہیں گے

میں توبہ تو کر لوں مگر اک بات ہے واعظ

کیا آج سے گردش میں پیالے نہ رہیں گے

کیوں ظلمت غم ث ہو خمارؔ اتنے پریشان

بادل یہ ہمیشہ ہی تو کالے نہ رہیں گے

ankhon ke charaghon mein ujale na rahenge

a jao ke phir dekhne wale na rahenge

ja shauq se lekin palat ane ke liye ja

ham der talak khud ko sambhale na rahenge

ai zauq-e-safar khair ho nazdik hai manzil

sab kahte hain ab paon mein chhale na rahenge

jin nalon ki ho jaegi ta dost rasai

wo sanehe ban jaenge nala na rahenge

main tauba to kar lun magar ik bat hai waiz

kya aj se gardish mein pyale na rahenge

kyun zulmat-e-gham s ho khumar itne pareshan

badal ye hamesha hi to kale na rahenge