ترے در سے اٹھ کر جدھر جاؤں میں

ترے در سے اٹھ کر جدھر جاؤں میں

چلوں دو قدم اور ٹھہر جاؤں میں

سنبھالے تو ہوں خود کو تجھ بن مگر

جو چھو لے کوئی تو بکھر جاؤں میں

اگر تو خفا ہو تو پروا نہیں

ترا غم خفا ہو تو مر جاؤں میں

تبسم نے اتنا ڈسا ہے مجھے

کلی مسکرائے تو ڈر جاؤں میں

مرا گھر فسادات میں جل چکا

وطن جاؤں تو کس کے گھر جاؤں میں

خمارؔ ان سے ترک تعلق بجا

مگر جیتے جی کیسے مر جاؤں میں

tire dar se uth kar jidhar jaun main

chalun do qadam aur thahar jaun main

sambhale to hun khud ko tujh bin magar

jo chhu le koi to bikhar jaun main

agar to khafa ho to parwa nahin

tira gham khafa ho to mar jaun main

tabassum ne itna dasa hai mujhe

kali muskurae to dar jaun main

mira ghar fasadat mein jal chuka

watan jaun to kis ke ghar jaun main

khumar un se tark-e-taalluq baja

magar jite ji kaise mar jaun main