حسن کی رنگینیاں کیا جلوہ ساماں ہو گئیں

حسن کی رنگینیاں کیا جلوہ ساماں ہو گئیں

دل کی آنکھیں سر بسر ایمن بداماں ہو گئیں

طور سامانی عیاں فطرت کی ہر ذرے سے ہے

تیری آنکھیں دیکھ کر ہر گل کو حیراں ہو گئیں

جلوہ بے پردہ تھا فرط شوق نے ڈالی نقاب

یہ نگاہیں مضطرب ہو کر پریشاں ہو گئیں

جن امیدوں سے بنا تھا خانۂ دل رشک گل

اب وہی اس گھر کی بربادی کا ساماں ہو گئی

husn ki ranginiyan kya jalwa saman ho gain

dil ki ankhen sar basar eman badaman ho gain

tur samani ayan fitrat ki har zarre se hai

teri ankhen dekh kar har gul ko hairan ho gain

jalwa be parda tha fart-e-shauq ne dali naqab

ye nigahen muztarib ho kar pareshan ho gain

jin ummidon se bana tha khana-e-dil rashk-e-gul

ab wahi is ghar ki barbadi ka saman ho gai