حسن جب مہرباں ہو تو کیا کیجیے

حسن جب مہرباں ہو تو کیا کیجیے

عشق کے مغفرت کی دعا کیجیے

اس سلیقے سے ان سے گلہ کیجیے

جب گلہ کیجیے ہنس دیا کیجیے

دوسروں پر اگر تبصرہ کیجیے

سامنے آئنہ رکھ لیا کیجیے

آپ سکھ سے ہیں ترک تعلق کے بعد

اتنی جلدی نہ یہ فیصلہ کیجیے

زندگی کٹ رہی ہے بڑے چین سے

اور غم ہوں تو وہ بھی عطا کیجیے

کوئی دھوکا نہ کھا جائے میری طرح

ایسے کھل کے نہ سب سے ملا کیجیے

عقل و دل اپنی اپنی کہیں جب خمارؔ

عقل کی سنئے دل کا کہا کیجیے

husn jab mehrban ho to kya kijiye

ishq ke maghfirat ki dua kijiye

is saliqe se un se gila kijiye

jab gila kijiye hans diya kijiye

dusron par agar tabsira kijiye

samne aina rakh liya kijiye

ap sukh se hain tark-e-taalluq ke baad

itni jaldi na ye faisla kijiye

zindagi kat rahi hai bare chain se

aur gham hun to wo bhi ata kijiye

koi dhoka na kha jae meri tarah

aise khul ke na sab se mila kijiye

aql-o-dil apni apni kahin jab khumar

aql ki suniye dil ka kaha kijiye