اک پل میں اک صدی کا مزا ہم سے پوچھئے

اک پل میں اک صدی کا مزا ہم سے پوچھئے

دو دن کی زندگی کا مزا ہم سے پوچھئے

بھولے ہیں رفتہ رفتہ انہیں مدتوں میں ہم

قسطوں میں خودکشی کا مزا ہم سے پوچھئے

آغاز عاشقی کا مزا آپ جانئے

انجام عاشقی کا مزا ہم سے پوچھئے

جلتے دیوں میں جلتے گھروں جیسی ضو کہاں

سرکار روشنی کا مزا ہم سے پوچھئے

وہ جان ہی گئے کہ ہمیں ان سے پیار ہے

آنکھوں کی مخبری کا مزا ہم سے پوچھئے

ہنسنے کا شوق ہم کو بھی تھا آپ کی طرح

ہنسئے مگر ہنسی کا مزا ہم سے پوچھئے

ہم توبہ کر کے مر گئے بے موت اے خمارؔ

توہین مے کشی کا مزا ہم سے پوچھئے

ik pal mein ik sadi ka maza ham se puchhiye

do din ki zindagi ka maza ham se puchhiye

bhule hain rafta rafta unhen muddaton mein ham

qiston mein khudkushi ka maza ham se puchhiye

aghaz-e-ashiqi ka maza ap janiye

anjam ashiqi ka maza ham se puchhiye

jalte diyon mein jalte gharon jaisi zau kahan

sarkar raushni ka maza ham se puchhiye

wo jan hi gae ke hamen un se pyar hai

ankhon ki mukhbiri ka maza ham se puchhiye

hansne ka shauq ham ko bhi tha ap ki tarah

hansiye magar hansi ka maza ham se puchhiye

ham tauba kar ke mar gae be maut ai khumar

tauhin mai kashi ka maza ham se puchhiye