آج لب گہر فشاں آپ نے وا نہیں کیا

آج لب گہر فشاں آپ نے وا نہیں کیا

تذکرۂ خجستۂ آب و ہوا نہیں کیا

کیسے کہیں کہ تجھ کو بھی ہم سے ہے واسطہ کوئی

تو نے تو ہم سے آج تک کوئی گلہ نہیں کیا

جانے تری نہیں کے ساتھ کتنے ہی جبر تھے کہ تھے

میں نے ترے لحاظ میں تیرا کہا نہیں کیا

مجھ کو یہ ہوش ہی نہ تھا تو مرے بازوؤں میں ہے

یعنی تجھے ابھی تلک میں نے رہا نہیں کیا

تو بھی کسی کے باب میں عہد شکن ہو غالباً

میں نے بھی ایک شخص کا قرض ادا نہیں کیا

ہاں وہ نگاہ ناز بھی اب نہیں ماجرا طلب

ہم نے بھی اب کی فصل میں شور بپا نہیں کیا

aj lab-e-guhar fishan ap ne wa nahin kiya

tazkira-e-khajsata-e-ab-o-hawa nahin kiya

kaise kahen ke tujh ko bhi ham se hai wasta koi

tu ne to ham se aj tak koi gila nahin kiya

jane tiri nahin ke sath kitne hi jabr the ke the

main ne tire lihaz mein tera kaha nahin kiya

mujh ko ye hosh hi na tha to mire bazuon mein hai

yaani tujhe abhi talak main ne raha nahin kiya

tu bhi kisi ke bab mein ahd shikan ho ghaliban

main ne bhi ek shakhs ka qarz ada nahin kiya

han wo nigah-e-naz bhi ab nahin majra talab

ham ne bhi ab ki fasl mein shor bapa nahin kiya