گھر سے ہم گھر تلک گئے ہوں گے

گھر سے ہم گھر تلک گئے ہوں گے

اپنے ہی آپ تک گئے ہوں گے

ہم جو اب آدمی ہیں پہلے کبھی

جام ہوں گے چھلک گئے ہوں گے

وہ بھی اب ہم سے تھک گیا ہوگا

ہم بھی اب اس سے تھک گئے ہوں گے

شب جو ہم سے ہوا معاف کرو

نہیں پی تھی بہک گئے ہوں گے

کتنے ہی لوگ حرص شہرت میں

دار پر خود لٹک گئے ہوں گے

شکر ہے اس نگاہ کم کا میاں

پہلے ہی ہم کھٹک گئے ہوں گے

ہم تو اپنی تلاش میں اکثر

از سما تا سمک گئے ہوں گے

اس کا لشکر جہاں تہاں یعنی

ہم بھی بس بے کمک گئے ہوں گے

جونؔ اللہ اور یہ عالم

بیچ میں ہم اٹک گئے ہوں گے

ghar se ham ghar talak gae honge

apne hi ap tak gae honge

ham jo ab admi hain pahle kabhi

jam honge chhalak gae honge

wo bhi ab ham se thak gaya hoga

ham bhi ab us se thak gae honge

shab jo ham se hua muaf karo

nahin pi thi bahak gae honge

kitne hi log hirs-e-shohrat mein

dar par khud latak gae honge

shukr hai us nigah-e-kam ka miyan

pahle hi ham khatak gae honge

ham to apni talash mein aksar

az sama ta samak gae honge

us ka lashkar jahan tahan yaani

ham bhi bas be kumak gae honge

jon allah aur ye alam

bich mein ham atak gae honge