دل نے وفا کے نام پر کار وفا نہیں کیا

دل نے وفا کے نام پر کار وفا نہیں کیا

خود کو ہلاک کر لیا خود کو فدا نہیں کیا

خیرہ سران شوق کا کوئی نہیں ہے جنبہ دار

شہر میں اس گروہ نے کس کو خفا نہیں کیا

جو بھی ہو تم پہ معترض اس کو یہی جواب دو

آپ بہت شریف ہیں آپ نے کیا نہیں کیا

نسبت علم ہے بہت حاکم وقت کو عزیز

اس نے تو کار جہل بھی بے علما نہیں کیا

جس کو بھی شیخ و شاہ نے حکم خدا دیا قرار

ہم نے نہیں کیا وہ کام ہاں با خدا نہیں کیا

dil ne wafa ke nam par kar wafa nahin kiya

khud ko halak kar liya khud ko fida nahin kiya

khira sarin shauq ka koi nahin hai jinba dar

shahr mein is giroh ne kis ko khafa nahin kiya

jo bhi ho tum pe motariz us ko yahi jawab-e-do

ap bahut sharif hain ap ne kya nahin kiya

nisbat-e-ilm hai bahut hakim-e-waqt ko aziz

us ne to kar jahl bhi be ulama nahin kiya

jis ko bhi shaikh-o-shah ne hukm-e-khuda diya qarar

ham ne nahin kiya wo kam han ba khuda nahin kiya