جی ہی جی میں وہ جل رہی ہوگی

جی ہی جی میں وہ جل رہی ہوگی

چاندنی میں ٹہل رہی ہوگی

چاند نے تان لی ہے چادر ابر

اب وہ کپڑے بدل رہی ہوگی

سو گئی ہوگی وہ شفق اندام

سبز قندیل جل رہی ہوگی

سرخ اور سبز وادیوں کی طرف

وہ مرے ساتھ چل رہی ہوگی

چڑھتے چڑھتے کسی پہاڑی پر

اب وہ کروٹ بدل رہی ہوگی

پیڑ کی چھال سے رگڑ کھا کر

وہ تنے سے پھسل رہی ہوگی

نیلگوں جھیل ناف تک پہنے

صندلیں جسم مل رہی ہوگی

ہو کے وہ خواب عیش سے بیدار

کتنی ہی دیر شل رہی ہوگی

ji hi ji mein wo jal rahi hogi

chandni mein tahal rahi hogi

chand ne tan li hai chadar-e-abr

ab wo kapre badal rahi hogi

so gai hogi wo shafaq andam

sabz qindil jal rahi hogi

surkh aur sabz wadiyon ki taraf

wo mire sath chal rahi hogi

charhte charhte kisi pahari par

ab wo karwat badal rahi hogi

per ki chhal se ragar kha kar

wo tane se phisal rahi hogi

nilgun jhil naf tak pahne

sandalen jism mil rahi hogi

ho ke wo khwab aish se bedar

kitni hi der shil rahi hogi