ایسا خاموش تو منظر نہ فنا کا ہوتا

ایسا خاموش تو منظر نہ فنا کا ہوتا

میری تصویر بھی گرتی تو چھناکا ہوتا

یوں بھی اک بار تو ہوتا کہ سمندر بہتا

کوئی احساس تو دریا کی انا کا ہوتا

سانس موسم کی بھی کچھ دیر کو چلنے لگتی

کوئی جھونکا تری پلکوں کی ہوا کا ہوتا

کانچ کے پار ترے ہاتھ نظر آتے ہیں

کاش خوشبو کی طرح رنگ حنا کا ہوتا

کیوں مری شکل پہن لیتا ہے چھپنے کے لیے

ایک چہرہ کوئی اپنا بھی خدا کا ہوتا

aisa khamosh to manzar na fana ka hota

meri taswir bhi girti to chhanaka hota

yun bhi ik bar to hota ke samundar bahta

koi ehsas to dariya ki ana ka hota

sans mausam ki bhi kuchh der ko chalne lagti

koi jhonka tiri palkon ki hawa ka hota

kanch ke par tire hath nazar ate hain

kash khushbu ki tarah rang-e-hina ka hota

kyun miri shakl pahan leta hai chhupne ke liye

ek chehra koi apna bhi khuda ka hota