تنکا تنکا کانٹے توڑے ساری رات کٹائی کی

تنکا تنکا کانٹے توڑے ساری رات کٹائی کی

کیوں اتنی لمبی ہوتی ہے چاندنی رات جدائی کی

نیند میں کوئی اپنے آپ سے باتیں کرتا رہتا ہے

کال کنوئیں میں گونجتی ہے آواز کسی سودائی کی

سینے میں دل کی آہٹ جیسے کوئی جاسوس چلے

ہر سائے کا پیچھا کرنا عادت ہے ہرجائی کی

آنکھوں اور کانوں میں کچھ سناٹے سے بھر جاتے ہیں

کیا تم نے اڑتی دیکھی ہے ریت کبھی تنہائی کی

تاروں کی روشن فصلیں اور چاند کی ایک درانتی تھی

ساہو نے گروی رکھ لی تھی میری رات کٹائی کی

tinka tinka kante tore sari rat katai ki

kyun itni lambi hoti hai chandni rat judai ki

nind mein koi apne ap se baten karta rahta hai

kal kanoen mein gunjti hai awaz kisi saudai ki

sine mein dil ki ahat jaise koi jasus chale

har sae ka pichha karna adat hai harjai ki

ankhon aur kanon mein kuchh sannate se bhar jate hain

kya tum ne urti dekhi hai ret kabhi tanhai ki

taron ki raushan faslen aur chand ki ek daranti thi

sahu ne girwi rakh li thi meri rat katai ki