گرم لاشیں گریں فصیلوں سے
Gulzar (b. 1934)گرم لاشیں گریں فصیلوں سے
آسماں بھر گیا ہے چیلوں سے
سولی چڑھنے لگی ہے خاموشی
لوگ آئے ہیں سن کے میلوں سے
کان میں ایسے اتری سرگوشی
برف پھسلی ہو جیسے ٹیلوں سے
گونج کر ایسے لوٹتی ہے صدا
کوئی پوچھے ہزاروں میلوں سے
پیاس بھرتی رہی مرے اندر
آنکھ ہٹتی نہیں تھی جھیلوں سے
لوگ کندھے بدل بدل کے چلے
گھاٹ پہنچے بڑے وسیلوں سے
garm lashen giren fasilon se
asman bhar gaya hai chilon se
suli charhne lagi hai khamoshi
log ae hain sun ke mailon se
kan mein aise utri sargoshi
barf phisli ho jaise tilon se
gunj kar aise lautti hai sada
koi puchhe hazaron mailon se
pyas bharti rahi mire andar
ankh hatti nahin thi jhilon se
log kandhe badal badal ke chale
ghat pahunche bare wasilon se