اوس پڑی تھی رات بہت اور کہرہ تھا گرمائش پر

اوس پڑی تھی رات بہت اور کہرہ تھا گرمائش پر

سیلی سی خاموشی میں آواز سنی فرمائش پر

فاصلے ہیں بھی اور نہیں بھی ناپا تولا کچھ بھی نہیں

لوگ بضد رہتے ہیں پھر بھی رشتوں کی پیمائش پر

منہ موڑا اور دیکھا کتنی دور کھڑے تھے ہم دونوں

آپ لڑے تھے ہم سے بس اک کروٹ کی گنجائش پر

کاغذ کا اک چاند لگا کر رات اندھیری کھڑکی پر

دل میں کتنے خوش تھے اپنی فرقت کی آرائش پر

دل کا حجرہ کتنی بار اجڑا بھی اور بسایا بھی

ساری عمر کہاں ٹھہرا ہے کوئی ایک رہائش پر

دھوپ اور چھاؤں بانٹ کے تم نے آنگن میں دیوار چنی

کیا اتنا آسان ہے زندہ رہنا اس آسائش پر

شاید تین نجومی میری موت پہ آ کر پہنچیں گے

ایسا ہی اک بار ہوا تھا عیسیٰ کی پیدائش پر

os pari thi rat bahut aur kerah tha garmaish par

sili si khamoshi mein awaz suni farmaish par

fasle hain bhi aur nahin bhi napa tola kuchh bhi nahin

log bazid rahte hain phir bhi rishton ki paimaish par

munh mora aur dekha kitni dur khare the ham donon

ap lare the ham se bas ik karwat ki gunjaish par

kaghaz ka ik chand laga kar rat andheri khirki par

dil mein kitne khush the apni furqat ki araish par

dil ka hujra kitni bar ujra bhi aur basaya bhi

sari umr kahan thahra hai koi ek rahaish par

dhup aur chhaon bant ke tum ne angan mein diwar chuni

kya itna asan hai zinda rahna is asaish par

shayad tin nujumi meri maut pe a kar pahunchenge

aisa hi ik bar hua tha isa ki paidaish par