تجھ کو دیکھا ہے جو دریا نے ادھر آتے ہوئے

تجھ کو دیکھا ہے جو دریا نے ادھر آتے ہوئے

کچھ بھنور ڈوب گئے پانی میں چکراتے ہوئے

ہم نے تو رات کو دانتوں سے پکڑ کر رکھا

چھینا جھپٹی میں افق کھلتا گیا جاتے ہوئے

میں نہ ہوں گا تو خزاں کیسے کٹے گی تیری

شوخ پتے نے کہا شاخ سے مرجھاتے ہوئے

حسرتیں اپنی بلکتیں نہ یتیموں کی طرح

ہم کو آواز ہی دے لیتے ذرا جاتے ہوئے

سی لیے ہونٹ وہ پاکیزہ نگاہیں سن کر

میلی ہو جاتی ہے آواز بھی دہراتے ہوئے

tujh ko dekha hai jo dariya ne idhar ate hue

kuchh bhanwar dub gae pani mein chakarate hue

ham ne to rat ko danton se pakar kar rakha

chhina jhapti mein ufuq khulta gaya jate hue

main na hunga to khizan kaise kategi teri

shokh patte ne kaha shakh se murjhate hue

hasraten apni bilaktin na yatyimon ki tarah

ham ko awaz hi de lete zara jate hue

si liye hont wo pakiza nigahen sun kar

maili ho jati hai awaz bhi dohrate hue