Arooz is now on the App Store, for iPhone and iPad. Download →

All poetry

جب بھی آنکھوں میں اشک بھر آئے

Gulzar (b. 1934)

جب بھی آنکھوں میں اشک بھر آئے

لوگ کچھ ڈوبتے نظر آئے

اپنا محور بدل چکی تھی زمیں

ہم خلا سے جو لوٹ کر آئے

چاند جتنے بھی گم ہوئے شب کے

سب کے الزام میرے سر آئے

چند لمحے جو لوٹ کر آئے

رات کے آخری پہر آئے

ایک گولی گئی تھی سوئے فلک

اک پرندے کے بال و پر آئے

کچھ چراغوں کی سانس ٹوٹ گئی

کچھ بہ مشکل دم سحر آئے

مجھ کو اپنا پتا ٹھکانہ ملے

وہ بھی اک بار میرے گھر آئے