ذکر ہوتا ہے جہاں بھی مرے افسانے کا

ذکر ہوتا ہے جہاں بھی مرے افسانے کا

ایک دروازہ سا کھلتا ہے کتب خانے کا

ایک سناٹا دبے پاؤں گیا ہو جیسے

دل سے اک خوف سا گزرا ہے بچھڑ جانے کا

بلبلہ پھر سے چلا پانی میں غوطے کھانے

نہ سمجھنے کا اسے وقت نہ سمجھانے کا

میں نے الفاظ تو بیجوں کی طرح چھانٹ دیئے

ایسا میٹھا ترا انداز تھا فرمانے کا

کس کو روکے کوئی رستے میں کہاں بات کرے

نہ تو آنے کی خبر ہے نہ پتا جانے کا

zikr hota hai jahan bhi mire afsane ka

ek darwaza sa khulta hai kutub khane ka

ek sannata dabe paon gaya ho jaise

dil se ik khauf sa guzra hai bichhar jane ka

balbila phir se chala pani mein ghaute khane

na samajhne ka use waqt na samjhane ka

main ne alfaz to bijon ki tarah chhant diye

aisa mitha tira andaz tha farmane ka

kis ko roke koi raste mein kahan bat kare

na to ane ki khabar hai na pata jane ka